Մի խումբ քաղաքացիներ այսօր՝ սեպտեմբերի 18-ին, հավաքվել են մայրաքաղաքի կենտրոնում գտնվող «Գաֆէսճեան» արվեստի կենտրոնի առջև՝ ողջունելու Հայաստան այցելած՝ ԱՄՆ կոնգրեսի Ներկայացուցիչների պալատի խոսնակ Նենսի Փելոսիին։
Մասնակիցները նաև ԱՄՆ-ին կոչ են անում պատժամիջոցներ սահմանել Բաքվի դեմ։
Նշենք, որ Փելոսին ելույթով է հանդես եկել արվեստի կենտրոնում։
Մեկ այլ ակցիա էլ տեղի է ունենեցել Ազատության հրապարակում։ Հավաքին մասնակցում էին արևմտամետ շարժումների անդամները։ Նրանք պահանջում են կառավարությունից՝ դուրս գալ ՀԱՊԿ-ից և նոր դաշնակիցների՝ արևմտյան երկրների հետ ստեղծել անվտանգության համակարգեր։
Ելույթ ունեցողների թվում են Եվրոպական կուսակցության ղեկավար Տիգրան Խզմալյանը, «Ազգային ժողովրդական բևեռ» կուսակցության ներկայացուցիչներ, «Հանուն Հանրապետության» կուսակցության ղեկավար Արման Բաբաջանյանը։