21-ամյա վարորդը «Mercedes»-ով վրաերթի է ենթարկել 2 անչափահաս հետիոտնի

Այսօր՝ ապրիլի 29-ին, վրաերթ է տեղի ունեցել Արարատի մարզում։ Ժամը 15։00-ի սահմաններում Արտաշատ քաղաքի Օգոստոսի 23 փողոցում Արարատի մարզի բնակիչ 21-ամյա Ավետիս Խ․-ն իր վարած «Mercedes» մակնիշի ավտոմեքենայով վրաերթի է ենթարկել 2 անչահաս հետիոտնի։

Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել և իր ավտոմեքենայով վրաերթի ենթարկվածներին տեղափոխել է «Արտաշատ» բժշկական կենտրոն։

Դեպքիի փաստով Արարատի մարզային քննչական վարչությունում նախաձեռնվել է քրեական վարույթ, որտեղ էլ պարզում են վրաերթի ենթարկվածների ինքնությունը։

Վարորդը տեղում ենթարկվել է սթափության փորձաքննության, եղել է սթափ։