ՌԴ արտգործնախարար Սերգեյ Լավրովը խորհրդատվական տարածաշրջանային հարթակը համագործակցության հեռանկարային ձևաչափ է համարում։ Այդ մասին նա հայտարարել է հինգշաբթի օրը կայացած մամուլի ասուլիսում։
Նրա խոսքով, ռուսական կողմն առաջարկել է ավելի ակտիվ զարգացնել հարավկովկասյան երեք երկրների՝ Հայաստանի, Ադրբեջանի և Վրաստանի և նրանց երեք խոշոր հարևանների՝ Ռուսաստանի, Թուրքիայի և Իրանի միջև համագործակցության մեխանիզմը։
«Կայացել են մի քանի հանդիպումներ, մասնակցել են Հայաստանի ներկայացուցիչներ, ինձ թվում է, որ ժամանակի ընթացքում այս ձևաչափը խոստումնալից կլինի, քանի որ այն կախված չէ որևէ գլոբալ աշխարհաքաղաքական իրավիճակից և զերծ է հեգեմոնիայի պահպանման աշխարհաքաղաքական խաղից»,- ասել է Լավրովը։