Ես մամուլ չեմ կարդում, չեմ էլ ուզում տեղեկացված լինել։
MediaHub.am-ի հետ զրույցում այսպիսի պատասխան տվեց «Հայաստան» խմբակցության պատգամավոր Արմեն Չարչյանը՝ լսելով հարցը, թե ըստ մամուլի՝ ՀՀ գլխավոր դատախազ Աննա Վարդապետյանն առաջիկայում կմիջնորդի անձեռնմխելիությունից զրկել և կալանավորել իրեն, Վահե Հակոբյանին և Սեյրան Օհանյանին։
Դիտարկմանը, թե գուցե մանդատից զրկելու գործընթաց սկսվի, վերջինս պատասխանեց՝ իրենց գործն է։
Ըստ էության՝ Չարչյանն առաջին անգամը չէ, որ իրավապահ մարմինների ուշադրության կենտրոնում է հայտնվում։
Ընտրողներին կաշառք տալու, ստանալու, ընտրությունների ժամանակ բարեգործության արգելքի խախտման կամ ընտրողի ազատ կամքի իրականացմանը խոչընդոտելու մեջ մեղադրվող «Իզմիրլյան» բժշկական կենտրոնի տնօրեն Արմեն Չարչյանը նախորդ տարի դեկտեմբերին կալանքից ազատ արձակվեց, որից հետո շարունակում է պատգամավորական գործունեությունը։
Լիաննա Թորոսյան