Օդեսայում տեղի բնակիչները փակել են ճանապարհը Կորոլյովի փողոցի եւ Գլուշկոյի մայրուղու խաչմերուկում՝ ի նշան քաղաքում հոսանքազրկման դեմ բողոքի։ Դեպքի վայրից տեսանյութը հրապարակել է «Новости Одесса» Telegram-ալիքը։
Տեսագրությունից երեւում է, թե ինչպես են ցուցարարները կանգնած ճանապարհին եւ չեն թողնում ավտոմեքենաներին անցնել, մոտակայքում նաեւ ոստիկանական մեքենաներ կան։
Մինչ այդ՝ նոյեմբերի 18-ին, Օդեսայի բնակիչները փակել էին անցումը Լյուսդորֆսկայա ճանապարհի հինգերորդ կայարանի տարածքում, հայտնում է «Суспільне Одеса»-ն։ Ակցիայի մասնակիցները դժգոհում են, որ իրենց տներում արդեն երրորդ օրն է հոսանք չկա, եւ խնդրում են ժամանակացույց կազմել ու ըստ դրա հոսանքազրկումներ կատարել։
Բողոքի ակցիայի մասնակիցներից մեկի խոսքով՝ որոշ տեղերում սկսել են լույսը ըստ ժամանակացույցի միացնել, իսկ որոշ տեղերում էլ ընդհանրապես չեն պատրաստվում վերսկսել էլեկտրամատակարարումը։
NEWS.am