Իտալիայի նախկին վարչապետ Մարիո Դրագին դիտարկվում է որպես Եվրոպական խորհրդի նախագահի թեկնածու։ Գրել է Financial Times-ը՝ հղում անելով աղբյուրներին։

Ըստ աղբյուրների՝ Դրագին «բոլոր հնարավորություններն ունի» դառնալու ներկայիս նախագահ Շառլ Միշելի իրավահաջորդը։

Իր աշխատանքի շնորհիվ «Սուպեր Մարիո» մականունը ստացած իտալացի քաղաքական գործիչը նախկինում (2011 թվականի նոյեմբերի 1 – 2019 թվականի հոկտեմբերի 31) զբաղեցրել է Եվրոպական կենտրոնական բանկի նախագահի պաշտոնը։