Աբորտների արգելքը ուժի մեջ է մտել ԱՄՆ-ի վեց նահանգներում Գերագույն դատարանի որոշումից հետո, որը չեղյալ է հայտարարում այդ ոլորտում դաշնային երաշխիքները. այդ մասին հայտնում է The New York Times-ը։

ԱՄՆ-ի մի քանի նահանգներում գործում են, այսպես կոչված, պայմանական օրենքներ, որոնք նախատեսում են արգելքի ուժի մեջ մտնելը Գերագույն դատարանի որոշումից հետո, ինչպես նաև օրենքներ, որոնք ընդունվել են մինչեւ 1973 թվականին աբորտների նկատմամբ դաշնային երաշխիքների սահմանումը: Աբորտներն արդեն արգելվել են Կենտուկիում, Լուիզիանայում, Միսսուրիում, Օկլահոմայում և Հարավային Դակոտայում: Բոլոր թվարկված երկրներում, բացի Օկլահոմայից, գործում է առավել պահպանողական օրենսդրություն, որն արգելում է աբորտները, նույնիսկ եթե հղիությունը տեղի է ունեցել բռնաբարության կամ արյունապղծության հետևանքով: Օկլահոմայում աբորտները թույլատրվում են բռնաբարության և արյունապղծության ժամանակ, սակայն օրենքը հատուկ հայտարարում է, որ հղիությունը համարվում է բեղմնավորման պահից սկսած:

Տեխասում աբորտներն արգելող օրենքը, այդ թվում ՝ բռնաբարության կամ արյունապղծության դեպքում, պաշտոնապես ուժի մեջ կմտնի առաջիկա 30 օրվա ընթացքում, սակայն Գերագույն դատարանի որոշման ընդունման պահից գործում է աբորտների դեմ ժամանակավոր վեցշաբաթյա արգելք: Հյուսթոնի կլինիկան, որը խոշորագույններից մեկն է երկրում, որտեղ աբորտներ են արվել, ուրբաթ դադարեցրել է աշխատանքը:

Մի քանի օրից մինչև մեկ ամիս ուժի մեջ կմտնեն Այդահոյում, Արկանզասում, Վայոմինգում, Միսիսիպիում, Հյուսիսային Դակոտայում, Թենեսիում և Յուտայում աբորտների արգելքները կամ սահմանափակումները: Իրականում աբորտների իրականացումը կարող է դադարեցվել արդեն այս պահին, քանի որ բժիշկները վախենում են քրեական հետապնդման ենթարկվելուց, օրենքների՝ ֆորմալ ուժի մեջ մտնելով:

Ուրբաթ օրը ԱՄՆ Գերագույն դատարանը որոշում է կայացրել, որը չեղյալ է համարում աբորտների անցկացման դաշնային երաշխիքները։