«Հայաստան» դաշինքում «պատգամավորական փոփոխությունները» շարունակվում են։ Արամ Վարդևանյանի, Վահե Հակոբյանի, Հռիփսիմե Ստամբուլյանի, Ելենա Կիրակոսյանի մանդատները վայր դնելուց հետո դաշինքի ցուցակում ընդգրկված Ռիմա Ղազարյանը, Ռուբեն Մելքոնյանը, Ռոբերտ Հայրապետյանը, Մարիա Պետրոսյանը, Սայադ Շիրինյանը և Դավիթ Սահակյանցը հրաժարվեցին մանդատները վերցնել։
Այսօր տեղի ունեցած ԿԸՀ արտահերթ նիստի արդյունքում, որի օրակարգում էր ԱԺ պատգամավորներին մանդատներ տրամադրելու մասին արձանագրությունների կազմումը, պարզ դարձավ, որ խմբակցությունը նոր պատգամավորներ կունենա։
ԿԸՀ արձանագրությամբ համապատասխանաբար մանդատները տրամադրվեցին Մհեր Սահակյանին, Արփինե Վարդանյանին, Արման Ղազարյանին և Իրինա Գասպարյանին։
MediaHub.am-ի հետ զրույցում փաստաբան Մհեր Սահակյանը նշեց, որ ՀՅԴ անդամ է։ «Մանդատը վերցնելը դեռ հստակ չէ, դեռ որոշում չկա, կուսակցությունը ոնց որոշի»,- ասաց նա։
Դիտարկմանը, թե դաշինքից մի քանի թեկնածուներ հրաժարվեցին մանդատը վերցնել և հարցին, թե, ըստ նրա, ո՞ր որոշումն է ավելի ճիշտ և նպատակահարմար, վերջինս պատասխանեց․ «Տեղս հարմար չէ, կխոսենք»։
Լիաննա Թորոսյան