Ռուս արտահանողները հուլիսին կսկսեն Բուլղարիա հեղուկ գազ (LPG) մատակարարել վրացական սևծովյան Փոթի նավահանգստով, քանի որ արտահանման ավանդական ուղիները փակ են. փոխանցում է Aliq.ge-ն։
Refinitiv Eikon-ի տվյալներով՝ մոտ 3 000 տոննա հեղուկ գազ այս ամիս Սուրգուտից երկաթուղով կուղարկվի Փոթի, ապա ծովային լաստանավով՝ Բուլղարիայի Վառնա:
«LPG-ի մատակարարումը քննարկվում է Փոթիով՝ այլ խոշոր արտահանման ուղիներով վաճառքի սահմանափակ հնարավորությունների պատճառով», - Reuters-ին ասել է աղբյուրը:
Տեղեկության համաձայն՝ Սուրգուտից Փոթիով Բուլղարիա գազի երկաթուղային փոխադրումները մոտ 50 տոկոսով բարձր են Ուկրաինայի տարածքով ԵՄ առաքման գնից.
«Սուրգուտից Փոթի երկաթուղային երթուղին արժե 260-280 դոլար մեկ տոննայի համար, իսկ Փոթի-Վառնա լաստանավն արժե 130-150 դոլար՝ մեկ տոննայի դիմաց», - գրել է Reuters-ը։
Գործակալության տեղեկություններով՝ թրեյդերների գնահատականներով, չնայած դրան՝ երկաթուղով մատակարարումները դեռ շահութաբեր են ներքին վաճառքի համեմատ, ինչը պայմանավորված է Ռուսաստանում LPG-ի գների անկմամբ։