Խոշոր վթար. տուժել են բարձրաստիճան պաշտոնյաների և գործարարների 5 երեխա
Մոսկվայի մարզում տեղի ունեցած վթարի հետևանքով տուժել են բարձրաստիճան պաշտոնյաների և գործարարների 5 երեխաներ՝ նրանք շրջվել են BMW-ով: Տուժածների թվում են ՌԴ Հեռավոր Արևելքի զարգացման նախարարի դուստրը, Քննչական կոմիտեի ղեկավարի առաջին տեղակալի որդին և Իսկանդեր Մախմուդովի դուստրը։
«Baza»-ի տեղեկություններով՝ վթարը, որի հետևանքով երիտասարդների BMW-ն շրջվել է, տեղի է ունեցել Պետրովո-Դալնեե գյուղի մոտ։ Մեքենայում հինգ մարդ է եղել՝ երկու տղա և երեք աղջիկ. Ալեքսանդր Բաստրիկինի առաջին տեղակալ Էդուարդ Կաբուրնեևի որդին, Ալինա Չեկունկովա՝ Հեռավոր Արևելքի զարգացման նախարար Ալեքսեյ Չեկունկովի դուստրը, Դարիա Վոյնովա՝ Մոսկվայի մարզի դատախազի առաջին տեղակալ, դատախազության կադրերի գլխավոր վարչության պետ Վալերի Վոյնովի դուստրը, «Դոկտոր Մարտին» կլինիկաների ցանցի հիմնադիր Մարտիրոս Սարգսյանի որդին՝ Անդրեյ Սարգսյան, Անաստասիա Մախմուդովա՝ օլիգարխ Իսկանդեր Մախմուդովի դուստրը։
Վարորդը և ուղևորները ստացել են տարբեր աստիճանի վնասվածքներ՝ գրեթե բոլորի մոտ ախտորոշվել են գլխի վնասվածքներ և ուղեղի ցնցում։ Նրանց երկուսի մոտ ուսի կոտրվածքներ են ախտորոշվել։
