Եթե որոշի գալ, պիտի ընդունենք, ի՞նչ խնդիր ունենք։ Այդ մասին այսօր ՍԺ-ում լրագրողների հետ զրույցում ասաց ՔՊ-ական պատգամավոր Գագիկ Մելքոնյանը՝ անդրադառնալով Ուկրաինայի նախագահ Վոլոդիմիր Զելենսկիի՝ Հայաստան հավանական այցին։
Նրա խոսքով՝ իրենց չի հետաքրքրում, թե ՌԴ-ն ինչպես կարձագանքի, «մեզ մեր երկրի շահերն են հետաքրքրում»։
«Մեր երկրի շահը թելադրում է մեզ այն, ինչ մենք պիտի անենք»,- նշեց նա։
Դիտարկմանը, որ Ուկրաինան 44-օրյայի ժամանակ ֆոսֆորային զենք էր մատակարարել Ադրբեջանին, Մելքոնյանն արձագանքեց՝ կարո՞ղ եք ապացուցել, որ դա Ուկրաինան էր տվել։
«Չի հերքվել, նշանակում է, չենք կարող ասել։ Մենք հաստատ հիմքեր չունենք, ուստի հարցը պիտի փակենք»,- ասաց նա։
Հարցին՝ հիմա դո՞ւրս ենք գալիս ՀԱՊԿ-ից, Մելքոնյանը պատասխանեց՝ ամեն ինչ ժամանակին։
«ՀԱՊԿ նիստերին չմասնակցելը նշանակում է սառեցնել»,- նշեց նա։
Մանրամասները՝ տեսանյութում։