Ամուսնական գործակալություններ․ ովքեր և ինչպես են դիմում հայկական ընտանիք կազմելու համար

Սուրբ Վալենտինի տոնի նախօրեին՝ փետրվարի 12-ին նշվում է ամուսնական գործակալությունների միջազգային օրը (International Day of Marriage Agencies)։  

Այս տոնն ի հայտ է եկել  Ուկրաինայում։ Այն  2010 թվականի դեկտեմբերի 1-ին գրանցել է Ուկրաինայի կրթության և գիտության նախարարության մտավոր սեփականության պետական վարչությունը:

Տոնն ընդունվել է բազմաթիվ գործընկեր գործակալությունների կողմից՝ Միացյալ Նահանգներում, Կանադայում, Գերմանիայում, Ֆրանսիայում, Իտալիայում, Իսպանիայում, Շվեյցարիայում, Ռուսաստանում:

Ամուսնական գործակալությունների պատմությունն ավելի քան 370 տարվա պատմություն ունի։ Ամուսնության առաջին գրասենյակը՝ Հանդիպումների և հասցեների բյուրոն, բացվել է 1650 թվականի սեպտեմբերի 29-ին Լոնդոնում։ 

Այսպիսի գործակալություններն օգնում են միայնակ մարդկանց գտնել իրենց զուգընկերոջը կամ զուգընկերուհուն: