Ադրբեջանի և Հայաստանի իշխանությունների բոլոր հայտարարությունները, գործողություններն ու իրականացվող աշխատանքները խոսում են այն մասին, որ Արցախի հարցում Երևանի և Բաքվի միջև ձեռք բերված վերջնական պայմանավորվածություններ կան։ Պարզապես երկու կողմն էլ այնքան համարձակություն և խիզախություն չունեն, որպեսզի հանրությանը բացահայտ տեղեկացնեն իրենց որոշումների մասին։ Այս մասին տելեգրամյան իր ալիքում գրել է քաղաքագետ Հրանտ Մելիք-Շահնազարյանը։
«Փոխարենը նրանք այլ բանով են զբաղված՝ փորձում են ներքին դաշտում կապիտալիզացնել թե՛ ձեռքբերումները և թե՛ ձախողումները։ Այս գործում նրանք իրենց հավասարը չունեն։ Երկուսն էլ տաղանդավոր շան որդիներ են։ Ուս ուսի են աշխատում։ Ընդ որում, շատ հարցերում երկուսի թիրախները նույնն են (Սերժ Սարգսյանի ականջը կանչի)։
P.S. Ոսկանապատում հետաքրքիր նյութ ունենք։ Այս թեման մոտ ապագայում անպայման կզարգացնենք»,- գրել է Մելիք-Շահնազարյանը։