«Ռոսիա 24» պետական հեռուստաալիքը հաղորդել է Եվգենի Պրիգոժինի մահվան մասին։
«Վագներ» մասնավոր ռազմական ընկերության հիմնադիր Եվգենի Պրիգոժինը մահացել է Տվերի շրջանում «Embraer» ինքնաթիռի կործանման հետևանքով,- ասվում է հաղորդագրության մեջ։
Տվերի մարզում մասնավոր ինքնաթիռի կործանման վայրում հայտնաբերվել են ութ զոհվածների մարմիններ, RIA Novosti-ին հայտնել է արտակարգ իրավիճակների ծառայության ներկայացուցիչը։
Ավելի վաղ հայտնել էինք, որ ՌԴ Տվերի մարզում բիզնես-ջեթ է կործանվել։ 10 մարդ է զոհվել։ Այն ուղևորվում էր Մոսկվայից Սանկտ Պետերբուրգ։
Օդային տրանսպորտի դաշնային գործակալությունը հայտնել է, որ Եվգենի Պրիգոժինը ներառված է Տվերի մարզում վթարի ենթարկված ինքնաթիռի ուղևորների թվում։
Ինքնաթիռում եղել է անձնակազմի երեք անդամ և յոթ ուղևոր։ Նրանք բոլորը զոհվել են: Տեղում որոնողական աշխատանքները շարունակվում են։ Օդային տրանսպորտի դաշնային գործակալության տվյալներով՝ ավիավթարի հետաքննություն է սկսվել։ Տեղեկություն կա, որ կործանված ինքնաթիռում եղել է Պրիգոժին աջ ձեռքը՝ Ուտկինը։