Ամերիկայի Միացյալ Նահանգների պետական քարտուղար Մարկո Ռուբիոն Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասի հետ հեռախոսազրույցում կոչ է արել եվրոպական երկրներին ավելացնել պաշտպանական ծախսերը։ Այս մասին ասված է Պետդեպարտամենտի հայտարարության մեջ։
«Պետքարտուղար Ռուբիոն ընդգծել է անդրատլանտյան անվտանգության ամրապնդման անհրաժեշտությունը, կոչ է արել Եվրոպային մեծացնել պաշտպանական ծախսերը և անդրադարձել Չինաստանի կողմից առաջադրվող մարտահրավերներին»,- ասվում է հաղորդագրության մեջ։
Բացի այդ, Ռուբիոն ողջունել է ԵՄ-ի՝ Ռուսաստանի դեմ պատժամիջոցները երկարաձգելու որոշումը։