Զինված ուժերում գոյություն ունի ՀՀ Զիված ուժերի ապռազինության և ռազմական տեխնիկայի զարգացման պետական ծրագիր։ Եվ այդ ծրագրի վրա աշխատում է ոչ միայն ՊՆ-ն, այլ նաև մնացած պետական կառույցները և մասնագետներն են որոշում, թե որ երկրից ինչ սպառազինություն բերեն։ Այս մասին լրագրողների հարցերին ի պատասխան ասաց ՀՀ պաշտպանության նախկին նախարար, ԱԺ «Հայաստան» խմբակցության պատգամավոր Սեյրան Օհանյանը։
«Սպառազինության և ռազմական տեխնիկայի ձերքբեռմամբ մենք ունեցել ենք մի քանի ծրագրեր։ ՌԴ-ի հետ ունեցել ենք զարգացման ծրագիր, որը հնարավորություն է տվել էժան գներով ներմուծել սպառազինություն։ Այն ժամանակ էլ մեր պետության հնարավորության շրջանակներում այլ պետություններից սպառազինություն ներմուծելը արգելված չի եղել»,- ասաց Օհանյանը։
Նա նշեց, որ այս իշխանությունների գնահատականը մեկն է՝ որոշումներ են ընդունում ռազմաքաղաքական իրավիճակին ոչ համահունչ և հաշվի չառնելով առաջնահերթությունները։
Մանրամասները՝ տեսանյութում