Ադրբեջանցի մի զինծառայողը դեռ ՀՀ-ում է, մյուսին փնտրում ենք․ Սիսիանի համայնքապետ (տեսանյութ)
Ինչպես ավելի վաղ հայտնել էինք, Ադրբեջանի ՊՆ-ի հայտարարության համաձայն՝ եղանակային անբարենպաստ պայմանների՝ ցածր տեսանելիության հետևանքով Նախիջևանի ուղղությամբ ադրբեջանցի երկու զինծառայող է մոլորվել։
Ավելի ուշ պարզ դարձավ, որ ադրբեջանցի զինծառայողներից մեկը Սիսիանի գյուղերից մեկում է հայտնվել։
MediaHub-ի հետ զրույցում Սիսիանի համայնքապետ Արմեն Հակոբջանյանը պատմեց, որ վերջինիս գյուղի տղաները գտել են, վնասազերծել և նա այս պահին դեռ Հայաստանում է։
«Մյուս զինծառայողին էլ դեռ փնտրում ենք բոլոր սարերով, ամբողջ տարածքներով»,-ասաց նա։
Ընդգծենք, որ ադրբեջանցին հայտնվել է Սյունիքի Աշոտավան գյուղում, մտել է բնակիչներից մեկի տուն։
Ադրբեջանի պաշտպանության նախարարությունը գրել էր, թե ձեռնարկվում են անհրաժեշտ միջոցառումներ անհետ կորածներին որոնելու համար։
Տեսանյութն՝ այստեղ։
Լիաննա Թորոսյան
