Կյանքից հեռացել է աշխարհի ամենատարեց մարդը․ մանրամասներ

Կյանքից հեռացել է միանձնուհի Ինա Կանաբարու Լուկասը, ով աշխարհի ամենատարեց մարդն էր։

Նա մահացել է 116 տարեկան և 326 օրական հասակում Պորտու Ալեգրիում (Ռիո Գրանդի դու Սուլ, Բրազիլիա), այս մասին հայտնել է «LongeviQuest» կազմակերպությունը, որը զբաղվում է հարյուրամյակների վերաբերյալ տվյալների ստուգմամբ։

Ամենատարեց մարդն արդեն Մեծ Բրիտանիայից 115-ամյա Էթել Քեթերհեմն է։

Լուկասը ծնվել է 1908 թվականի հունիսի 8-ին։ Երիտասարդ տարիներին նա վանական ուխտեր է տվել և իր կյանքի մեծ մասը նվիրել է Բրազիլիայի և Ուրուգվայի կաթոլիկ հաստատություններում դասավանդելուն և ծառայելուն։ Միանձնուհին իր վերջին տասնամյակներն անցկացրել է Պորտու Ալեգրիում նահանգային տանը։