Իսպանիայի իրավապահ մարմինները Մադրիդում առգրավել են 60 միլիոն եվրո արժողությամբ 11 ոսկյա իրեր, որոնք պատկանում են Ուկրաինայի պատմական ժառանգությանը։ Դրանք ապօրինի դուրս են բերվել երկրից։ Այս մասին հաղորդվում է իսպանական ոստիկանության մամուլի հաղորդագրության մեջ, որին մեջբերել է Reuters-ը։
«Ազգային ոստիկանության գործակալներն Ուկրաինայի Անվտանգության ծառայության հետ համատեղ գործողության ընթացքում Մադրիդում առգրավել են ավելի քան 60 միլիոն եվրո արժողությամբ 11 ոսկյա իրեր՝ կապված Ուկրաինայի պատմական ժառանգության հետ»,- ասվում է հաղորդագրության մեջ։
Գործով ձերբակալվել է հինգ մարդ՝ երեք իսպանացի և երկու ուկրաինացի։ Նրանք զբաղվում էին Ուկրաինայից մշակութային արժեքների անօրինական արտահանմամբ։
Առաջին արտադրանքը՝ խոյերի գլուխներով ոսկե գոտի, առգրավվել է դեռ 2021 թվականին։ Քահանան այն վաճառել է մադրիդյան մի գործարարի։
Ոսկյա իրերը տնօրինելու սեփականությունն ու իրավունքը փոխանցվել էր գլխավոր ամբաստանյալին՝ ուղղափառ քահանային, որն ապրում է Մադրիդում։ Ապրանքներին կից փաստաթղթերում նշվում էր, որ դրանք պատկանում են ուկրաինական ուղղափառ եկեղեցուն։
Հետաքննությունն իրականացվել է Բուլղարիայի, Ուկրաինայի, Ալբանիայի, Հյուսիսային Մակեդոնիայի և Կիպրոսի ներքին գործերի կցորդի և Միջազգային համագործակցության վարչության հետ համատեղ։