Բալը հարուստ է վիտամիններով և այլ սննդանյութերով, ինչը նպաստում է սիրտ-անոթային հիվանդությունների, շաքարախտի և այլ հիվանդությունների դեմ պայքարում, փոխանցում է Известия պարբերականը։ Բալը հարուստ է վիտամին C-ով, պղնձով, կալիումով և մանգանով։ Բացի այդ, այս պտուղը լրացնում է օրգանիզմում B և K վիտամինների պաշարները, հագեցնում այն պոլիֆենոլներով։
Գիտնականները մի շարք հետազոտություններ են անցկացրել, որոնց արդյունքները հաստատել են բալի օգտակար հատկությունները առողջության համար։ Այսպես, այն օգտակար է սրտի հիվանդությունների կանխարգելման համար՝ շնորհիվ անտոցիանների և կարոտինոիդների բարձր մակարդակի, որոնք ունեն հակաօքսիդանտ, հակաբորբոքային և հակաայտուցային հատկություններ։
Բացի այդ, բալն օգտակար է շաքարախտով հիվանդ մարդկանց համար: Դրա օգտագործումը նվազեցնում է ինսուլինի դիմադրությունը և լակտոզայի անհանդուրժողականությունը՝ միաժամանակ մեծացնելով ինսուլինի սեկրեցիան:
Բացի այդ, բալը հաճախ օգտագործվում է ավանդական չինական բժշկության մեջ՝ արթրիտի և հոդատապի բուժման համար: