Հոկտեմբերի 24-ին ավտովթար է տեղի ունեցել Երևանում: Ժամը 15:30-ի սահմաններում Դավիթաշեն-Աշտարակի խճուղի Մելքումովի 11/4 հասցեի դիմաց բախվել են 47-ամյա Միքայել Հայրապետյանի վարած ԶԻԼ մակնիշի՝ հեղուկ գազ տեղափոխող բեռնատարն ու 43-ամյա Սյուզաննա Զարգարյանի վարած Hyundai մակնիշի ավտոմեքենաները: 

Վթարի հետևանքով Hyundai-ի վարորդը բժշկական օգնություն ստանալու նպատակով տեղափոխվել է «Աստղիկ» բժշկական կենտրոն:

Վթարի փաստով քննչական բաժնում նախաձեռնվել է վարույթ:

Ֆոոտոլրագրողը հայտնում է, որ վթարի հետևանքով խցանումը հասնում էր մի քանի կիլոմետրի, և այն տևեց գրեթե 3 ժամից ավելի: Վարորդները «քաղցր խոսքերով» էին հիշում երթևեկությունը կարգավորողներին, չիմանալով, որ այդ ընթացքում պարեկները սպասում էին՝ հիվանդանոցից երբ կբարեհաճեն ահազանգը փոխանցել քննչական բաժին: