Գերմանիայի կանցլեր Օլաֆ Շոլցին զայրացրել է Լեհաստանի նախագահի առաջարկը՝ բռնագրավել և ծախսել սառեցված ռուսական ակտիվները Ուկրաինային օգնելու համար, Financial Times-ը՝ վկայակոչելով ականատեսներին:
Ըստ FT-ի՝ դա տեղի է ունեցել ՆԱՏՕ-ի գլխավոր քարտուղար Ռյուտեի տանը քննարկման ժամանակ։ Խոսքը վերաբերում է 260 միլիարդ եվրոյին: Աղբյուրները թերթին հայտնել են, որ Գերմանիայի կանցլերը գոռգոռացել է Անջեյ Դուդայի վրա.
«Դուք չեք հասկանում, թե ինչպես դա կազդի մեր ֆինանսական շուկաների կայունության վրա... Դուք նույնիսկ եվրո չեք օգտագործում»։
Միջադեպը տեղի է ունեցել չորեքշաբթի օրը Բրյուսելում ԵՄ առաջնորդների հանդիպման ժամանակ։ Կանցլերը նյարդայնացած է եղել, որ Դուդան վերադարձել է մի գաղափարի, որն արդեն մերժվել էր Բեռլինի կողմից:
Հրատարակությունը նշել է, որ բռնագրավման գաղափարը պաշտպանում են ԱՄՆ-ն և Մեծ Բրիտանիան, իսկ Գերմանիան, Ֆրանսիան և Իտալիան դեմ են։