MediaHub.am-ն ավելի վաղ հայտնել էր, որ ադրբեջանցիները կրկին փակել են Լաչինի միջանցքը՝ պահանջելով Արցախում ռուսական խաղաղապահ զորակազմի ղեկավար Անդրեյ Վոլկովին։

Այս մասին հայտարարություն է տարածել Արցախի տեղեկատվական շտաբը՝ հայտնելով, որ մի խումբ ադրբեջանցիներ  բնապահպանական պատճառաբանությամբ, այսօր առավոտյան ժամը 10:30-ի հատվածում փակել են Ստեփանակերտ-Գորիս մայրուղին:

MediaHub.am-ի հետ զրույցում Արցախի ԱԺ պատգամավոր Դավիթ Գալստյանը նշեց, որ իրենք փորձել են մոտենալ, սակայն նրանց նույնպես թույլ չեն տվել առաջանալ։

«Սա անմիջապես ռուս խաղաղապահների պատասխանատվության տակ գտնվող ճանապարհն է և պետք է հասկանանք, թե ինչ են պատրաստվում նրանք անել։ Փաստն այն է, որ այս պահին ճանապարհը փակ է։ Հենց հիմա ռուսական առաջին պոստում կանգնած ենք, հրամանատարությունը չի թողնում այդ պոստից այն կողմ մեքենա անցնի։ 11 հայկական մեքենա, կարելի է ասել, գերի է, այդ հատվածում են, գնացողներից են»,-ասաց նա։

Լիաննա Թորոսյան