Ռուսաստանի Դաշնության արտաքին հետախուզական ծառայությունը հավաստի տեղեկություններ ունի Հյուսիսային հոսքերի խափանումներում Միացյալ Նահանգների և Մեծ Բրիտանիայի անմիջական մասնակցության մասին։
«ԱՄՆ վարչակազմը արդարացված է համարել գազատարների պայթեցումը, որպեսզի երաշխավորի Եվրոպայի և, առաջին հերթին, Գերմանիայի անջատումը Ռուսաստանից»,- այսօր հայտարարել է ՌԴ արտաքին հետախուզության ծառայության ղեկավար Սերգեյ Նարիշկինը։
Նարիշկինը նաև նշել է, որ արևմտյան հետախուզական ծառայությունները, առաջին հերթին բրիտանական «MI6»-ը, պատրաստում են ուկրաինական տիվերսիոն-հետախուզական խմբերը Ռուսաստանի մի շարք ատոմակայաններում սադրանքների համար։
Նրա խոսքով՝ ԱՀԾ-ն տեղեկություններ ունի, որ Կուրսկի շրջանի վրա հարձակման պլանը ներառել է նաև այնտեղի ատոմակայանի գրավումն ու ականապատումը։