ԱՄՆ նախագահ Դոնալդ Թրամփը հայտարարել է, որ Վաշինգտոնը Ուկրաինային տրամադրել է 350 միլիարդ դոլարի օգնություն, և նշել, որ «ոչ ոք չգիտի, թե որտեղ են գնացել այդ գումարները»:

Այս մասին Թրամփը հայտարարել է մամուլի ասուլիսի ժամանակ։

Նա նշել է, որ Ուկրաինան «ստիպված կլինի վճարել կամ զբաղվել» այս հարցով։

Դոնալդ Թրամփը նաև հայտարարել է, որ Վլադիմիր Զելենսկին ցածր վարկանիշ ունի։ «Ուկրաինայում վաղուց ընտրություններ չեն եղել: Որքան էլ որ ցավալի է ասել, Զելենսկին այժմ ունի 4 տոկոս վարկանիշ»,- ասել է Թրամփը լրագրողների հետ հանդիպմանը Մար-ա-Լագոյի իր կալվածքում ելույթ ունենալիս։

ԱՄՆ նախագահը նաև վստահություն է հայտնել, որ Ռուսաստանը կարող է «շատ արագ» ոչնչացնել ուկրաինական քաղաքները, այդ թվում՝ Կիեւը, սակայն չի ցանկանում դա անել։ «Եթե ուզենային դա անել 100 տոկոսով, հավանաբար դա շատ արագ տեղի կունենար»,- ասել է նա։

Նա նաև Վլադիմիր Զելենսկին անվանել է «բացարձակապես ոչ կոմպետենտ» առաջնորդ։  «Զելենսկին ծիծաղելի հայտարարություններ է անում, և նրա ղեկավարությունը թույլ է տվել, որ հակամարտությունը շարունակվի»,- ընդգծել է Դոնալդ Թրամփը։