Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպումը, որին կքննարկվի Ուկրաինայում հակամարտությունը դադարեցնելու հարցը, կարող է տեղի ունենալ մինչև փետրվարի վերջ։ Այս մասին հայտնում է Bloomberg-ը՝ հղում անելով աղբյուրներին, փոխանցում է ՏԱՍՍ-ը։

Ռուսաստանի և ԱՄՆ-ի բարձրաստիճան պաշտոնյաները հաջորդ շաբաթ բանակցություններ կանցկացնեն Սաուդյան Արաբիայում՝ նախապատրաստելու երկու երկրների ղեկավարների հնարավոր հանդիպմանը, հայտնում է գործակալությունը։