ՔՊ-ական պատգամավոր Արսեն Թորոսյանը գրում է.
«Մարտի 8-ի շնորհավորանքի և ծաղիկների փոխարեն…
Եկեք այսօր վերհիշենք թե անցյալ տարվա ընթացքում մեր երկրում՝
Քանի կին է սպանվել միայն այն պատճառով, որ կին է։
Քանի կին է բռնության ենթարկվել ամուսնու, զուգընկերոջ կամ ընտանիքի այլ անդամի կողմից միայն այն պատճառով, որ կին է։
Քանի կնոջ են տանը շահագործել ընտանիքի մյուս անդամները միայն այն պատճառով, որ կին է։
Քանի կնոջ են արգելել զբաղվել իր սիրած գործով միայն այն պատճառով, որ կին է։
Քանի աղջկա են արգելել սովորել իր ուզած մասնագիտությամբ միայն այն պատճառով, որ աղջիկ է։
Քանի կնոջ աշխատանքի չեն ընդունել միայն այն պատճառով, որ կին է։
Քանի կնոջ են արգելել հագնվել իր ուզած ձևով միայն այն պատճառով, որ կին է։
Քանի կնոջ են արգելել վայելել կյանքը միայն այն պատճառով, որ կին է։
Քանի աղջիկ չի ծնվել միայն այն պատճառով, որ աղջիկ է։
Կանանց միջազգային տոնին ծաղիկներ չէ պետք նվիրել կանանց, այլ պետք է վերադարձնել հետ հենց իրենց իրավունքները, որոնք հարյուրավոր տարիներ խլված են եղել նրանցից»։