Կոլորադո նահանգում երկու բեռնատար գնացքներ են բախվել ու դուրս եկել ռելսերից (տեսանյութ)
Միացյալ Նահանգների Կոլորադո նահանգում երկու բեռնատար գնացքներ են բախվել ու դուրս եկել ռելսերից։
Երկու մարդ վիրավորվել է, հայտնել է Associated Press-ը՝ հղում անելով տեղի ոստիկանությանը։
Հինգշաբթի երեկոյան Կոլորադոյի Բոուլդեր քաղաքում գնացքների բախումից վնասվել է կամուրջը, թափվել է վառելիքը, վիրավորվել են երկու ուղեկցորդ:
Տուժածները թեթև վնասվածքներով տեղափոխվել են հիվանդանոց և այնուհետև դուրս են գրվել։ Գործակալության տվյալներով՝ գնացքից փոքր քանակությամբ վառելիք է արտահոսել, սակայն այն չի հայտնվել մոտակա գետակի մեջ, քանի որ այն կլանվել է գնացքի վագոններից մեկից դուրս թափված ավազով։
Տեղի ոստիկանությունը հայտնել է, որ գնացքների բախումը քանդել է նաև երկաթուղային կամուրջը և ազդել տեղական էլեկտրահաղորդման գծի վրա, ինչի հետևանքով էլեկտրաէներգիայի անջատումներից տուժել են մոտ մեկ տասնյակ տներ:
Տեսանյութն այստեղ
