Արդեն երրորդ օրն է Լաչինի միջանցքը՝ «կյանքի ճանապարհը» փակ է, ադրբեջանցիները շրջափակել են արցախցիներին, ինչի հետևանքով երկիրը կանգնած է հումանիտար աղետի առջև։
Այս առիթով մի շարք քաղաքական-հասարակական գործիչներ այդ թվում նախիկն Մարդու իրավունքների պաշտպան Արման Թաթոյանը նստացույց են իրականացնում ՄԱԿ-ի հայաստանյան գրասենյակի առջև։
«Ցավոք սրտի միջազգային արձագանքը անբավարար է, ճիշտ է կան գնահատականներ որոշ երկրներից, միջազգային պաշտոնյաներից, բայց դա գրեթե ոչինչ է, որովհետև այն ինչ տեղի է ունենում այսօր Ադրբեջանի համար ապահովում է բացարձակ անպատժելիություն, նրանք այդ հանցավոր անպատժելիությամբ են շարժվում»,-ասաց Թաթոյանը։
Ադրբեջանիցները մարտավարություն են փոխել, իբև թե բերել են անկախ ակտիվիստներ, իբրև անկախ ակցիաներ իրականացնող, բայց ակնհայտ է, որ Ադրբեջանի իշխանությունների կազմակերպածն է։
Ըստ հրապարակված տվյալների, ակցիաներին մասնակցող անձինք հայտարարագրված են որպես ՀԿ-ների ղեկավարներ, անդամներ, բայց նրանք ուղիղ ֆինանասավորվում են Ադրբեջանի կառավարությունից, ուղիղ ֆինանսավորվում են Հեյդար Ալիև ֆոնդից նաև գործող ու նախկին զինվորականներ կան, որոնք բացարձակ ծայրահեղական-ազգայնական գաղափարներով են։
«Այնքան ցինիկ են, որ դրանցից մեկը ակցիաների ժամանակ հայերենով կոչ է անում, ասում է, մենք միասին պետք է ապրենք, երբ էջն ուսումնասիրում ենք ամենահայատյաց գործիչներից մեկն է, ով կոչ է անում սպանել հայերին»,-ասաց Արման Թաթոյանը։
Այժմ 120 հազար մարդ շրջափակման մեջ է, որը ոչ միայն Արցախի, այլև՝ հայկականության, Հայաստանի դեմ է ուղղված։
Մանրամասները՝ տեսանյութում։