Հայաստանի և Ռուսաստանի հարաբերություններում ճգնաժամ է, երկրներին անհրաժեշտ է նոր ու խորը երկխոսություն, արդեն գոյություն ունեցող պայմանագրերի հիման վրա։
Այս մասին արտասահմանյան ԶԼՄ-ների մասնակցությամբ ասուլիսին ասել է «Տավուշը հանուն հայրենիքի» շարժման առաջնորդ Բագրատ արքեպիսկոպոսը։
Նա նշել է, որ այսօր Հայաստանը պայմանագրային իրավահարաբերություններ ունի Ռուսաստանի հետ, թեև «այսօր այդ հարաբերությունները, մեղմ ասած, լավ վիճակում չեն, եթե չասենք, որ ամբողջությամբ կամ էապես վնասված են»։
«Ուստի, թեև մենք բազմաթիվ հարցեր ունենք ռուսական կողմին, սակայն այս բոլոր հարաբերությունները պետք է հասցնել համապատասխան պայմանագրային համաձայնությունների մակարդակի և նորմալ հունի մեջ դնել։ Մեր հարաբերությունները պահանջում են չափազանց խորը երկխոսություն ու փոխըմբռնում։ Այս փուլում մենք գտնվում ենք այդ հարաբերությունների բացակայության վիճակում։ Խնդիրները շատ են, բայց պետք է պատրաստ լինենք այդ բոլոր հարցերը լուծել փոխըմբռնման ու երկխոսության մակարդակով»,- ասել է Բագրատ Սրբազանը, որ խոսքերն է մեջբերել ՏԱՍՍ-ը։
Ըստ արքեպիսկոպոսի՝ Հայաստանի հարաբերություններն աշխարհի հետ չեն կարող զարգանալ «ինչ-որ մեկի դեմ» տրամաբանությամբ, և որ «Երևանը պետք է ամեն ինչում հավատարիմ մնա հայկական շահերին»։