Ես եղել եմ ջուր բերելու, տնից 50-60 մետր հեռավորության վրա։ Այդ մասին այսօր Ազատում տեղակայված զինվորական կացարանի հրդեհի գործով դատական նիստի ժամանակ ասաց վկա Արսեն Սողոմոնյանը։
Նա նշեց, որ հրդեհի ժամանակ եղել է այնտեղ, որտեղից ջուր են բերում։ Հրդեհի ժամանակ ձայներ է լսել ու իջել ներքև։
«Երբ իջա, մոտ երեք մետրանոց հրդեհ էր։ Էդ պահին իմ հնարավորությունների սահմանում, էդ պահին ինչ մտքովս անցել է, արել եմ»,- նշեց նա։
Սողոմոնյանը պատմեց, որ առաջինը տեսել է Խառատյան Լևոնին, որը վառված վիճակում ընկած է եղել։
«Ես իրեն ոչ մի օգնություն ցույց չեմ տվել, վազել եմ տան կողմ, մեքենայից ագնետուշիտել (կրակմարիչ - խմբ․) եմ վերցրել, փչել, մեր բերած ջրերը լցրել։ Էդ պահին ինչ հնարավոր էր, արեցինք»,- պատմեց նա։
Նա պատմեց, որ մթնոլորտն իրենց մոտ շատ լավն է եղել ու ինքը չի կարծում, որ կարող է դիտավորություն եղած լինել։
Մանրամասները՝ տեսանյութում։