MediaHub.am-ն ուսումանսիրել է Երևան քաղաքի ընդհանուր իրավասության առաջին ատյանի դատավոր Արուսյակ Ալեքսանյանի 2021 թվականին ներկայացրած հայտարարագիրը։
Ըստ հայտարարագրի՝ վերջինս ՀՔԾ-ից աշխատավարձ է ստացել շուրջ 7մլն 126 հազար դրամ։ Դատավորի հայտարարագրում քիչ չեն սպառողական վարկերը։ Ալեքսանյանը 4 սպառողական վարկ է վերցրել, առաջինը 3 մլն 948 հազար ՀՀ դրամ, երկրորդը՝ 2000 ԱՄՆ դոլար, երրորդը՝ 3 մլն ՀՀ դրամ և չորրորդը՝ 500 հազար ՀՀ դրամ։ Բացի առաջին վարկից, մնացածը մինչև տարվա ավարտ որոշ չափով վճարվել են։ Տարվա սկզբին նա կանխիկ 2 մլն դրամ է ունեցել, որն անփոփոխ է մնացել մինչև տարվա վերջ։
Էլեկտրոնային հաշիվների և կրիպտոարժույթի հատվածում նշված է, որ տարվա սկզբում եղել է 100 հազար դրամ, որը մինչև տարվա ավարտ նվազել է՝ դառնալով 4978 դրամ։ Ալեքսանյանը բանկային հաշվում 2021-ի սկզբին գումար չի ունեցել, սակայն ըստ հայտարարագրի՝ տարվա ավարտին հաշվին եղել է 407 դրամ։ Դատավորն իր MERCEDES-BENZ մեքենան գնել է 2018 թվականին։ Հիշեցնենք, որ դատական նիստի ընթացքում կյանքից հեռացած պրոդյուսեր Արմեն Գրիգորյանին կալանավորելու մասին որոշումը կայացրել էր Արուսյակ Ալեքսանյանը։
Նշենք, որ ըստ մամուլի՝ Երևան քաղաքի ընդհանուր իրավասության առաջին ատյանի դատավոր Արուսյակ Ալեքսանյանն այսօր Դատավորների միությանն անդամակցությունը դադարեցնելու դիմում է ներկայացրել:
Լիանա Թորոսյան