Գիտնականներն ապացուցել են քաղցկեղի վեց տեսակների զարգացման և ալկոհոլի օգտագործման միջև կապը
Քաղցկեղի հետազոտությունների ամերիկյան ասոցիացիայի մասնագետները նշել են, որ ալկոհոլի չափից ավելի օգտագործումը մեծացնում է վեց տարբեր տեսակի քաղցկեղի զարգացման ռիսկը, այդ թվում՝ կերակրափողի, գլխի և պարանոցի, կրծքագեղձի, կոլոռեկտալ քաղցկեղի, լյարդի և ստամոքսի քաղցկեղի առաջացման վտանգը: Այնուամենայնիվ, մարդկանց կեսից ավելին անտեղյակ է այս ռիսկերի մասին: Այս մասին հայտնում է The New York Times-ը։
Հետազոտությունն անցկացվել է Մեծ Բրիտանիայում 2024 թվականի օգոստոսին, որին մասնակցել է կենսաթոշակային տարիքի 135 հազար մարդ։ «Հետազոտությանը մասնակցած մարդկանց 51 տոկոսը չգիտեր, որ ալկոհոլը մեծացնում է քաղցկեղի առաջացման վտանգը: Սա մտահոգիչ է։ «Մենք կարող ենք խոսել այն առասպելի մասին, որ կարմիր գինին ունի սրտանոթային օգուտներ, բայց կան բազմաթիվ եղանակներ՝ աջակցելու սրտի առողջությանը, և այդ պոտենցիալ օգուտները չեն գերազանցում քաղցկեղի ռիսկերը», - ասում է Լոս Անջելեսի քաղցկեղի ինստիտուտի համաճարակաբան Ջեյն Ֆիգեյրեդոն:
Ենթադրվում է, որ ալկոհոլը նաև մեծացնում է կրծքագեղձի քաղցկեղի ռիսկը կանանց մոտ, քանի որ այն կարող է բարձրացնել էստրոգենի հորմոնի մակարդակը, որը նպաստում է հիվանդության զարգացմանը:
