Վրաստանի նախագահ Սալոմե Զուրաբիշվիլիին թույլ չեն տա բարձրանալ Georgian Airways-ի ինքնաթիռը. պատճառն ավիափոխադրողի բոյկոտի մասին նրա հայտարարությունն է. հայտարարել է ավիաընկերության հիմնադիրը:
«Տիկին Սալոմեն հայտարարել է ազգային ավիաընկերության բոյկոտի մասին։ Մենք նրան պերսոնա նոն գրատա ենք հայտարարում, քանի դեռ նա ներողություն չի խնդրել վրաց ժողովրդից, մենք նրան թույլ չենք տա նստել ինքնաթիռ»,- ասել է ընկերության ներկայացուցիչը:
Հիշեցնենք, որ Վրաստանի նախագահ Սալոմե Զուրաբիշվիլին հայտարարել է, որ բոյկոտում է և այլևս չի օգտվելու վրացական Georgian Airways ավիաընկերության ծառայություններից, քանի որ այն սկսել է թռիչքներ իրականացնել դեպի Ռուսաստանի Դաշնություն:
Ավելի վաղ հայտնել էինք, որ մայիսի 10-ին ՌԴ նախագահ Վլադիմիր Պուտինը հրամանագիր է ստորագրել մայիսի 15-ից Վրաստանի քաղաքացիների համար վիզային ռեժիմը վերացնելու մասին։
Ավելին՝ այստեղ