Իտալիայի առողջապահության նախարարությունն ուրբաթ օրը օդերևութաբանական վտանգի «կարմիր» (ամենաբարձր) մակարդակ է ներկայացրել երկրի 27 խոշոր քաղաքներից 16-ում։ Հինգշաբթի օրն այն գործում էր 14 քաղաքում։
Առողջապահության նախարարության տեղեկագրի համաձայն՝ խոսքը, մասնավորապես, Հռոմի և այնպիսի վարչական կենտրոնների մասին է, ինչպիսիք են Միլանը, Թուրինը, Ֆլորենցիան և Ջենովան, որտեղ ջերմաստիճանը գերազանցում է 40 աստիճանը։
Հունիսի վերջին Իտալիայի 19 խոշոր քաղաքներում շոգի պատճառով «կարմիր» վտանգ ներկայացվեց, սակայն այս շաբաթվա դեպքում օդերևութաբանները նախազգուշացրին աֆրիկյան ամենահզոր Apocalisse 4800 ցիկլոնի ներխուժման մասին:
Առողջապահության նախարարության կողմից եղանակային վտանգի «կարմիր» մակարդակի հանձնարարականը նշանակում է արտակարգ իրավիճակի սկիզբ, որի դեպքում իրական վտանգ կա ոչ միայն ռիսկի խմբում գտնվողների, այլև «առողջ, ակտիվ մարդկանց» առողջությանը։