Չինաստանը դրական է գնահատել «առաջընթացը Հայաստանի և Ադրբեջանի միջև հարաբերությունների կարգավորման գործում»
Պեկինը հույս ունի Հայաստանի և Ադրբեջանի միջև առկա տարաձայնությունների հետագա վերացմանը։ Այս մասին հայտարարել է Չինաստանի արտաքին գործերի նախարարության պաշտոնական ներկայացուցիչ Մաո Նինգը՝ խոսելով Երեւանի եւ Բաքվի միջեւ խաղաղության համաձայնագրին։
«Չինաստանն անկեղծորեն հուսով է, որ Հայաստանն ու Ադրբեջանը կլուծեն իրենց փոխադարձ հակասությունները և տարաձայնությունները երկխոսության և խորհրդակցությունների միջոցով։ Եվ կնպաստեն տարածաշրջանում կայուն խաղաղության, զարգացման ու բարգավաճման ապահովմանը»,- ասել է Չինաստանի ԱԳՆ ներկայացուցիչը։
Չինաստանը դրական է գնահատել «առաջընթացը Հայաստանի և Ադրբեջանի միջև հարաբերությունների կարգավորման գործում, որոնք կարևոր դեր են խաղում Հարավային Կովկասի տարածաշրջանում»։
