Բագարանի ու Երվանդաշատի դպրոցները չեն քանդվի
Ո՛չ Բագարանի, ո՛չ էլ Երվանդաշատի դպրոցները չեն փակվելու։ Այդ մասին MediaHub-ի հետ զրույցում ասացին Բաղրամյանի համայնքապետարանից։
Նշենք, որ այսօր մենք ահազանգ էինք ստացել, թե Բագարանի դպրոցի աշակերտները դպրոց չեն գնում, քանի որ իրենց դպրոցը քանդվելու է, փոխարենը Երվանդաշատում բացվելու է նոր կրթահամալիր, որտեղ սովորելու են թե՛ Բագարանի, թե՛ Երվանդաշատի աշակերտները։ Բագարանի բնակիչներն էլ դեմ են այդ որոշմանը։
«Այսօր հանդիպել ու զրուցել ենք բնակիչների հետ, աշակերտները վաղվանից դպրոց կգնան»,- նշեց Բաղրամյանի համայնքապետի տեղակալ Հովնան Ավետիսյանը։
Նա նշեց, որ շինաշխատանքներ չեն իրականացվում Երվանդաշատի դպրոցի տարածքում, այլ ընդամենը տեխնիկա է բերվել, որ սեպտեմբերի 18-ի ավագանու նիստից հետո աշխատանքները սկսվեն։
«Բայց հիմա աշխատանքները կանգնած են, չեն իրականացվում»,- նշեց մեր զրուցակիցը։
Նարե Գնունի
