Թուրքիայում մինչ այժմ գրանցվել է «կապիկի ծաղիկ» հիվանդության 5 դեպք։ Ermenihaber-ի փոխանցմամբ՝ այս մասին կառավարության նիստից հետո լրագրողների հետ զրույցում հայտնել է Թուրքիայի առողջապահության նախարար Ֆահրեթթին Քոջան։
Նա նշել է, որ հիվանդներից 4-ն արդեն լիովին ապաքինվել և դուրս է գրվել հիվանդանոցից, իսկ 1-ը շարունակում է մնալ մեկուսացված։ Ըստ նախարարի՝ «կապիկի ծաղիկ» վիրուսը Թուրքիայի համար համաճարակային վտագ չի ներկայացնում։
Անդրադառնալով կորոնավիրուսի համավարակով պայմանավորված երկրում տիրող իրավիճակին՝ Ֆահրեթթին Քոջան խորհուրդ է տվել անպայման ստանալ կորոնավիրուսի դեմ պատվաստանյութի խթանիչ դեղաչափը։
Հիշեցնենք, որ Թուրքիայում կապիկի ծաղիկով վարակվելու առաջին դեպքը գրանցվել է հունիսի 30-ին։