Իրանի Կենտրոնական բանկը նախատեսում է «թվային ռիալ» ներդնել, հայտարարել է Իրանի Կենտրոնական բանկի ղեկավար Ալի Սալեհաբադին՝ հավելելով, որ թվային արժույթների մայնինգը եւ դրանց օգտագործումը ներմուծման համար օրինական են, հաղորդում է Tasnim-ը։
Նա նշել է, որ Իրանում արգելված է կրիպտոարժույթների առքուվաճառքը կամ ներդրումների համար դրանց օգտագործումը։ Անդրադառնալով երկու տարի առաջ վարչակազմի կողմից ընդունված կրիպտոարժույթների կանոնակարգին՝ ԿԲ ղեկավարը նշել է, որ պաշտոնական թույլտվությամբ թույլատրվում է ներմուծման համար թվային արժույթների մայնինգ անել։ Նա հավելել է, որ արդյունաբերության, հանքերի եւ առեւտրի նախարարության հետ համագործակցությամբ մշակվել են կանոններ եւ կանոնակարգեր, որոնք թույլ կտան բիզնեսին ներկրման համար վճարել կրիպտոարժույթներով։