Այսօր՝ մայիսի 8-ին, խոշոր ավտովթար է տեղի ունեցել Կոտայքի մարզում։ Ժամը 06։20-ի սահմաններում ՌԴ քաղաքացի 53-ամյա Վարդան Մ․-ն իր վարած ռուսական համարանիշներով Hyundai մակնիշի ավտոմեքենայով Երևան-Սևան ավտոճանապարհին, Չարենացավանի վարչական տարածքում, դեպի Երևան ընթանալիս, դուրս է եկել ճանապարհի երթևեկելի գոտուց, բախվել երկաթե արգելապատնեշին, կոտրել դրանք, ապա հարվածել ծառին, արմատախիլ արել ծառն ու, առաջ ընթանալով՝ բախվել ծառերին։ 

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդ Վարդան Մ․-ն, ուղևորներ՝ ՌԴ քաղաքացիներ 59-ամյա Աննա Մ-ն և 13-ամյա Մարիա Մ-ն մարմնական վնասվածքներով տեղափոխվել են հիվանդանոց։ 

Վիրավորներից 2-ին ավտոմեքնայից դուրս են բերել քաղաքացիները, իսկ Աննա Մ․-ին՝ օպերատիվորեն ժամանած ՀՀ Ներքին գործերի նախարարության Փրկարար ծառայության Չարենացավանի թիվ 44 հրշեջ-փրկարարական ջոկատի փրկարարները, օգտագործելով հատուկ տեխնիկա։ 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։