Ռուսաստանից Վրաստան Վերին Լարսի անցակետում այսօր ավելացել է ՌԴ արական սեռի քաղաքացիների մուտքի մերժումների թիվը։ VPost-ը հաստատել է վեց նման դեպք Մոսկվայի ժամանակով ժամը 10:00-ից մինչև 19:00-ը:

Վեցն էլ տղամարդիկ են, նրանց պատմությունները նման են՝ նրանք Վրաստան են գնացել ոչ միայնակ, այլ իրենց կանանց, ընկերուհիների կամ ընկերների ուղեկցությամբ։ Ոմանց թույլատրել են անցնել, բայց հերթի յուրաքանչյուր երրորդը, ներառյալ կանանց, վրացի սահմանապահները տարել են գրասենյակ, որտեղ նրանցից փորցել են ճշտել այցի նպատակը, ուղևորության ֆինանսավորման և աշխատանքի վերաբերյալ տեղեկատվությունը: Զրույցի արդյունքում VPost-ի զրուցակիցներին տրվել է փաստաթուղթ՝ մուտքը մերժելու մասին ծանուցումով։

Պատճառները չեն նշվում։

Հիշեցնենք, որ Հարավային Օսիան երեք օրով փակել է Վրաստանի հետ սահմանը՝ հարևան հանրապետությունում ստեղծված ծանր քաղաքական իրավիճակի պատճառով։ 

Ավելի վաղ հայտնել էինք, որ Վրաստանի նախագահը վարչապետին կոչ է արել հրավիրել Անվտանգության խորհրդի նիստ, խստացնել հսկողությունը սահմանին և վերանայել Ռուսաստանի քաղաքացիների համար վիզային ռեժիմը։

Իրադարձություններին ավելի արագ հետևելու համար բաժանորդագրվեք՝  MediaHubWorld