Թաթարստանում ավտոբուսը բախվել է բեռնատարին. կան տուժածներ

Թաթարստանի մայրուղիներից մեկում միջքաղաքային ավտոբուսը բախվել է բեռնատարին, ավտոբուսի երեք ուղևորներ վիրավորվել են, այդ թվում՝ երեխա, հայտնում է հանրապետության ճանապարհային ոստիկանությունը Telegram-ի իր ալիքում։

«Մոսկվայի ժամանակով ժամը 13.30-ին Մոսկվա-Ուֆա ավտոճանապարհի 772-րդ կիլոմետրին (Վերխնեուսլոնսկի շրջան) «Կամազ Մարկոպոլո» ավտոբուսը բախվել է ընթացող «Կամազ» մակնիշի բեռնատարին»,- ասվում է հաղորդագրության մեջ։

Այնուհետ Կամազը, ըստ ՃՈ-ի, բախվել է նույն ուղղությամբ շարժվող Man բեռնատարին։

Վթարի հետևանքով ավտոբուսի երեք ուղեւորներ վիրավորվել են, այդ թվում՝ 11-ամյա երեխա։ Ավտոբուսում ընդհանուր առմամբ 18 ուղեւոր է եղել։