Բոլոր երկրներում պետք է լինեն ընդդիմություններ, որոնք էլ ունեն իրենց օրակարգը։ Այդ մասին այսօր խորհրդարանում ասաց ԱԺ նախագահ Ալեն Սիմոնյանը՝ անդրադառնալով ընդդիմության բացասական արձագանքին՝ կապված սահմանազատման ու սահմանագծման աշխատանքների հետ։
Դիտարկմանը, թե որքան էլ իշխանությունը գնում է իր օրակարգով, Ալիևը շարունակում է մատ թափ տալ ու նշել, որ թշնամի Հայաստանից վերցնում է իր տարածքները, Ալեն Սիմոնյանն արձագանքեց՝ չի լսել ու շատ քիչ է ծանոթանում Ալիևի հայտարարություններին։
«Չեմ ուզում իրեն մեկնաբանել։ Դա իր ներքին լսարանի համար արված հայտարարություն է։ Հանդիպումներին մենք նշում ենք, որ զարմանալի է՝ բանակցությունների ժամանակ իրենք այլ լեքսիկոն են օգտագործում, իսկ նման դեպքերում՝ այլ։ Հանդիպումներին իրենք ցույց են տալիս, թե շատ էին սպասում դրանց»,- նշեց Սիմոնյանը։
Հարցին, թե այդ դեպքում ի՞նչ սպասել Ալիևից, հնարավոր չէ՞, որ նա հետ կանգնի խոստումներից, Ալեն Սիմոնյանը պատասխանեց՝ խաղաղության պայմանագիրն ու հստակ սահմանները որոշակիորեն երաշխիք է։
«Ո՞վ ասաց, որ այդ ամրացված գիծը կարող է 100 տոկոսով պաշտպանել»,- նշեց նա։
Մանրամասները՝ տեսանյութում։