Իրանն ավելացրել է ուրանի հարստացման տեմպերը մինչև երկրի ատոմային արդյունաբերության պատմության մեջ ամենաբարձր ցուցանիշը։ Այս մասին հայտարարել է Իրանի Ատոմային էներգիայի կազմակերպության ղեկավար Մոհամմադ Էսլամին։
«Այսօր Իրանում ուրանի հարստացման հզորությունը հասել է երկրի ատոմային արդյունաբերության պատմության մեջ ամենաբարձր մակարդակին՝ ավելի քան երկու անգամ գերազանցելով նախորդ ցուցանիշները»,- Էսլանիի խոսքը մեջբերել է Tasnim գործակալությունը:
Էսլամիի հայտարարությունն արվել է Ատոմային էներգիայի միջազգային գործակալության (ՄԱԳԱՏԷ) փորձագետների Իսլամական Հանրապետություն ծրագրված այցի նախօրեին։ Դեկտեմբերի 14-ին Իրանի ԱԷԿ ղեկավարը հայտնել է, որ ՄԱԳԱՏԷ-ի ներկայացուցիչները մոտ ապագայում կայցելեն Թեհրան։ Նույն օրը Al Arabiya հեռուստաալիքը, վկայակոչելով ՄԱԳԱՏԷ-ի ներկայացուցչի հայտարարությունը, հաղորդել է, որ դեկտեմբերի 18-ին Թեհրան է ժամանելու գործակալության փորձագետների խումբը։