Մեդիափորձագետ Սամվել Մարտիրոսյանը ֆեյսբուքյան իր էջում հայտնել է, որ կիբերհանցագործները հեռախոսահամարներից զանգեր են կատարում, այս անգամ՝ բանկի կեղծված համարից ։
«Եթե ձեր հեռախոսում ֆիքսված է բանկի համարը՝ տեսնում եք, որ բանկից են զանգել։ Կեղծ աշխատողն ասում է, որ դուք անվտանգության խնդիր ունեք, հիմա կոդ կգա, այդ կոդը մեզ տվեք, մենք ձեզ պաշտպանենք։ Բնականաբար, մարդիկ վախենում են․ կոդը գալիս է, տալիս են ու փողերը գնում են»,- նշում է մեդիափորձագետը։
Մարտիրոսյանը զգուշացնում է՝ որևէ կոդ որևիցե մեկին չպետք է տալ․ «եթե նման զանգ եք ստանում «բանկից», ձեզ վախեցնում են, ապա անջատեք զանգը, ինքներդ հետ զանգեք բանկ ու ճշտեք ամենը»։