Իրանի հյուսիս-արևմուտքում գտնվող Արևմտյան Ադրբեջան նահանգում տեղի ունեցած երկրաշարժի հետևանքով տուժածների թիվը հասել է 816-ի, երեք մարդ մահացել է։ Այս մասին կիրակի օրը հայտարարել է նահանգի նահանգապետը, հայտնում է ՏԱՍՍ գործակալությունը՝ հղում անելով IRNA գործակալութանը։
Նախնական հաշվարկներով՝ երկրաշարժը վնաս է հասցրել 2 քաղաքների և ավելի քան 70 գյուղերի, ավերվել են շենքերի մինչև 50%-ը։
Հիշեցնենք, որ Իրանում 5,3 մագնիտուդով երկրաշարժ է գրանցվել, որը զգացվել է նաև Հայաստանում: Սյունիքի մարզում 5 բալ, Վայոց ձորի և Արարատի մարզերում և Երևան քաղաքում 3-4 բալ, Արմավիրի և Կոտայքի մարզերում՝ 2-3 բալ ուժգնությամբ։