5.1 մագնիտուդ ուժգնությամբ երկրաշարժ է  գրանցվել Թուրքիայի Հաթայ քաղաքում։ Երկրաշարժի էպիկենտրոնը գտնվել է Միջերկրական ծովում՝ 9,26 կմ խորության վրա, Արսուզ քաղաքից 6 կմ հեռավորության վրա։

Ըստ լրատվամիջոցների՝ փլուզվել են փետրվարի 6-ին վնասված մի քանի շենքեր։

Շրջանի նահանգապետ Ռահմի Դողանը հայտնել է, որ իշխանությունները երկրաշարժի զոհերի կամ ավերածությունների մասին տեղեկություն դեռ չեն ստացել։ «Մեր ուժերը շարունակում են վերահսկել իրավիճակը»,- ​​ասել է նա։

Այսօր ավելի վաղ կրկին երկրաշարժ էր գրանցվել Թուրքիայում` Մալաթիայում, 4.9 մագնիտուդ ուժգնությամբ։