ԵՄ-ն խորապես համոզված է, որ երկկողմանի հարցերը չպետք է դանդաղեցնեն Ուկրաինայի անդամակցությունը․ Կալլաս
ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասն ասել է, որ ԵՄ-ն հասկանում է, թե ինչ անել, եթե Հունգարիայի վետոն Ուկրաինայի անդամակցության դեմ չհաղթահարվի։
Այս մասին նա հայտարարել է Լվովում լրագրողների հետ զրույցում։
Կալլասը նշել է, որ Եվրամիությունը խորապես համոզված է, որ երկկողմանի հարցերը չպետք է դանդաղեցնեն Ուկրաինայի անդամակցությունը ԵՄ-ին, և եվրոպական կառույցները պատրաստվում են հնարավոր շրջափակմանը։
«Մենք ունենք Բ և Գ պլաններ։ Սակայն մեր ուշադրության կենտրոնում է Ա պլանը, որը բոլորի աջակցությունը ստանալն է», - ասաց նա՝ նշելով, որ ԵՄ-ն երկխոսության մեջ է Հունգարիայի հետ վետոյի վերացման շուրջ։
«Ուկրաինան ունի իր տնային աշխատանքը կատարելու, և ԵՄ-ն նույնպես պետք է կատարի իր տնային աշխատանքը։ Եվ մենք աշխատում ենք Հունգարիայի կառավարության հետ»,- ընդգծել է նա։
«Բայց եթե դա չաշխատի, մենք արդեն աշխատում ենք Բ պլանի վրա, բայց ես դա չեմ բացահայտի։ Մենք դեռ գործընթացի մեջ ենք»,- ասել է Կալլասը։
