Ճապոնիայի նախկին վարչապետ Սինձո Աբեի հուղարկավորությանը ներկա անձանց թիվը կսահմանափակվի 6000-ով. այդ մասին հայտարարել է նախարարների կաբինետի գլխավոր քարտուղար Հիրոկաձու Մացունոն մամուլի ասուլիսի ժամանակ: Սպասվում է օտարերկրյա պատվիրակությունների այց՝ նախագահների և վարչապետների գլխավորությամբ:
Ճապոնիայի կառավարությունն ուրբաթ հաստատել է հուղարկավորության անցկացման համար բյուջե՝ 250 մլն իենի չափով (մոտ $1,8 մլն): Գումարը ծախսվի արարողության կազմակերպման և հյուրերի համար սինքրոն թարգմանության համար, իսկ անվտանգության ծախսերը հատկացված բյուջեի մեջ չեն մտնում:
Պետական մասշտաբի հուղարկավորության անցկացումը տեղացիների սրտով չէ, այդ մասին են վկայում անցած շաբաթ անցկացված հարցման արդյունքները:
Արարողությունը ծրագրված է սեպտեմբերի 27-ին, Տոկիոյի «Բուդոկան» արենայում՝ Կայսերական պալատից ոչ հեռու: