Ինչպե՞ս տնային պայմաններում մաքրել սպիտակ սպորտային կոշիկները 

Կոշիկների կյանքը երկարացնելու մեջ մասնագիտացած Sneakers ER-ի տնօրեն Ալան Լինը բացահայտել է սպիտակ սպորտային կոշիկները տան պայմաններում մաքրելու միջոց։ Այս մասին գրել է Who What Wear կայքը։

Մասնագետի կարծիքով՝ կաշվե իրերը ամենահեշտն է խնամվում։ Նա առաջարկել է կոշիկները մշակել կոնդիցիոներ մոմով, որպեսզի այն դառնա փափուկ և անջրանցիկ։

Մաշվածության ժամանակ խիստ աղտոտվածության դեպքում մասնագետը խորհուրդ է տվել ամանի մեջ լցնել 200 միլիլիտր տաք ջուր, ավելացնել փոքր քանակությամբ մաքրող միջոց ու շնորներն ընկղմել դրա մեջ։ Ապա պետք է հանել ներդիրները սպորտային կոշիկներից ու չոր խոզանակով մաքրեք դրանք փոշուց։ Սրանից հետո այն կարելի է թաթախել լուծույթի մեջ ու դրանով մաքրել կոշիկի վերին մասը՝ միկրոֆիբրե կտորով հեռացնելով մնացած արտադրանքը։ Լավագույն արդյունքի հասնելու համար խորհուրդ է տրվում կրկնել այս գործընթացը մի քանի անգամ։

Լիննը խորհուրդ է տալիս ներդիրները դնել կոշտ մակերեսի վրա և դրանցով անել նույն պրոցեդուրան, ինչ մարզակոշիկների արտաքին մասի դեպքում։ Հաջորդը, կոշիկները պահելով ուղիղ դիրքում, որպեսզի կեղտը չմտնի դրանց վրա, պետք է սրբել ներբանները: Ինչ վերաբերում է շնորներին, ապա հրատարակության զրուցակիցը խորհուրդ է տվել դրանք ձեռքերի վրա քսել իրար՝ փրփուր առաջացնելու համար և սրբել միկրոֆիբրե կտորով։

Լինը կոչ է արել չորացնել սպորտային կոշիկները միայն սենյակային ջերմաստիճանում։ «Կարևոր է դրանք չչորացնել ռադիատորի մոտ։ Չորանալուց հետո ներդիրները ետ դրեք և կապեք ձեր սպորտային կոշիկները: Մշակեք դրանք հոտազերծող սփրեյով՝ թարմ բույր հաղորդելու համար»,- եզրափակել է նա։